لیکوال: عزیز خان هوتک
د باچا خان نوم د عدم تشدد، ټولنیز اصلاح، او د انسانیت پر بنسټ د سیاست سمبول دی. هغه په ډېره سخته دوره کې د جګړې، تاوتریخوالي او استعماري فشارونو پر وړاندې د سولې، تعلیم او یووالي غږ پورته کړ. د باچا خان د فکر د اساسي ستنو په توګه د انسان کرامت، د قومونو ترمنځ عدالت، د زدهکړې خپرول او د زور پر ځای د دلیل کارول یادېږي. د هغه مبارزه یوازې د پښتنو د حقونو لپاره نه وه، بلکې د ټولې سیمې د سولې او بشري همدردۍ لپاره وه.
باچا خان د متمرکزه سیاست له هغو ډولونو سره چې د قومونو ترمنځ د حقونو توازن زیانمنوي، ښکاره اختلاف درلود. هغه داسې تګلاره نه منله چې د یوه قوم واک په بل قوم تحمیل کړي. له همدې امله د هغه سیاسي دریځونه د پاکستان له هغو سیاستونو سره چې د سیمې په واک جوړښت کې د تمرکز ملاتړ کوي، تل یو ډول فکري اختلاف درلود.
په معاصر سیاسي بحثونو کې د ایمل ولي سیاست د خلکو ترمنځ بیلابیل برداشتونه لري. یو شمېر خلک باور لري چې هغه د پښتون ملت پالۍ د دوام لپاره هڅې کوي. خو د ډېرو سیاسي څېړونکو او عامو خلکو تر منځ دا نظر هم شته چې د هغه زیاتره دریځونه د اوسني پاکستان د مرکزي سیاست، په ځانګړي ډول د پنجاب د سیاسي او دولتي جوړښت، له تګلارو سره همغږی ښکاري. له همدې امله انتقادکوونکي وايي، چې دا مسیر د باچا خان د خپلواک، نرم خو، خو روښانه دریځ لرونکي سیاست له روحیې سره توپیر لري.
پر دې سربېره، که ایمل ولي خان په حقیقت کې خپل سیاسي لیدلوری، که د ځان په کچه وي یا د ګوند په کچه، بدل کړی وي، دا د ده حق دی چې خپلې زمانې او شرایطو ته په کتو سیاسي بدلونونه راولي. خو دا بدلون هېڅکله دا معنی نه لري چې نور باید د باچا خان له سپېڅلي نوم څخه امتیاز واخلي.
باچا خان یوازې د یوې کورنۍ میراث نه و؛ هغه د افغانانو فخر، تاریخي مبارز او یو بشپړ فکري مکتب و.
د هغه نوم د رښتینې سولې، عدالت، تعلیم او بشري ارزښتونو مترادف دی، او باید د هر ډول سیاسي ګټې لپاره ونه کارول شي.
باچا خان د انسانیت، سولې، تعلیم او د حق لپاره د نرم خو مبارزې سمبول دی. اوس چې د ایمل ولي سیاست د هغه له لارې سره څومره نږدې یا لرې دی، دا د بحث او تحلیل موضوع ده. خو یو اصل څرګند دی:
د باچا خان فکر د اصولو، عمل او بشري ارزښتونو نوم دی، نه د سیاسي امتیاز اخیستو وسیله.
که ایمل ولي خان غواړي د باچا خان د فکر ریښتینی تسلسل وګڼل شي، نو باید په عملي توګه د هغه د فلسفې بنسټیز ارزښتونه په خپلو سیاستي دریځونو کې خوندي او پیاوړي کړي. د باچا خان لار یوازې یو شعار نه، بلکې یو ژور انساني مکتب دی چې د صداقت، عدالت، خپلواک دریځ او د ټولنې د خیر غوښتنې پر اساس ولاړ دی.
myalo emel vali is defferent from BACHA KHAN,BACHAKHAN NEVER DID RESPECT TO PUNJAB/BUT EMAL MYALO IS CHAMCHE OF PUNJAB/ACHEKZAI TOO.
THIS IS ONE HISTORIC CHANCE FOR PUKHTOONS FOR FREEDOM
STOP CHAMCHE GERY AND STANDUP AGAINST PUNJAB
PUKHTOONS AND BALOOCH UNITED START FIGHT FOR FREEDOM
THANK YOU
په ایمل ولي خان پسی دريدل يا ځان له مسوايت لري ساتل دي او يا ځان غوله ول دي.
نور تشریح او بحث ته اړتیا نشته ځکه هغه ایمل ولي خان نه غواړي چې پښتانه را ويښ شې او د خپلو حقوقو دفاع وکړی نو که پښتانه را ويښ شي بیابه ایمل ولي خان ته دد له بناډه سره په د ګوند کي ځای نه وي
او په د کوند کي به بنيادي تغيرات راځي کنه رښتوني غړ ي بي بله لاره د حقانيت او رښتینولي ګوري.