تاند (پنجشنبه د لړم ـ عقرب ۱۵مه) کابل کې د ایران سفارت ویلي، د ایران سفیر علي رضا بیکدلي او د هند سفیر محمد فتح علي خان چابهار بندر کې له افغان سوداګرو سره ګډه ناسته کړې.
دغه لیدنه داسې مهال شوې، چې تازه پر چابهار بندر د امریکا له لوري لګېدلي بندیزونه تر راتلونکي کال پورې معاف شوي دي.
په ورته مهال افغانستان کې د طالبانو د صنعت او سوداګرۍ وزارت ویلي، هڅه کوي د پاکستان پر ځای د افغانستان تولیداتو او محصولاتو د صاردولو لپاره بدیلي لارې ومومي.
د مالوماتو له مخې په چابهار بندر کې په کلنې ډول تر ۶میلیونه ټنه زیات سوداګریز توکي لاس په لاس کیږي.