تاند(سې شنبه د لړم ـ عقرب ۶مه) پښتونخوا کې د خيبر ولسوالۍ په اکاخېلو کې د سهار وختي د وسله وال برید له امله لږ تر لږه درې پاکستاني امنیتي سرتېري وژل شوي او پنځه نور ټپیان شوي دي.
پاکستاني امنیتي چارواکي وايي، تر پېښې وروسته د پوځ ۱۵ سرتېري لا هم لادرکه دي او د موندلو عملیات روان دي.
د تحریک طالبان پاکستان (TTP) ډلې د دغه برید مسوولیت منلی.
یادې ډلې ادعا کړې چې د پاکستاني ځواکونو پر یوې پوستې یې برید کړی دی.
دغه برید په داسې حال کې شوی چې په ترکیه کې د طالبانو او پاکستان ترمنځ د خبرو وروستۍ لړۍ د ټي ټي پي د کنټرول پر سر بې پایلې پای ته رسېدلې ده.