تاند ( دوشنبه د تلې – میزان ۱۴مه) د افغانستان د آزادو سیالیو مبارز لوبغاړی سیدعزیز قاضي خاني په پولنډ کې زنداني دی.
د هغه ورور عطاء الله قاضي خاني رسنیو ته منلې چې ورور یې کابو درې میاشتې کېږي په پولنډ کې زنداني دی.
د یاد لوبغاړي کورنۍ د قاضي خاني زنداني کېدو لامل په غیر قانوني ډول له روسیې، جرمني ته د هغه تګ یاد کړی دی.
عطاالله قاضي خاني ۲۱ کاله عمر لري او په بېلابیلو کورنیو او بهرنیو آزادو سیالیو کې یې خپل سیالان مات کړي دي.
د قاضي خاني مینه وال هم د هغه د ژر خوشې کېدو غوښتنه کوي او پر هغو خلکو غږ کوي چې په دې برخه کې مرسته کولی شي او د دغه لوبغاړي لاسنیوی کولی شي.