تاند(چهارشنبه. د تلې/میزان ۹ مه) په داسي جال کې چې د طالبانو حکومت د نجونو پرزده کړه بندیز، پر ښځو د راز راز محدودیتونو لکول او د انترنیټ په شان له ټکنالوژۍ سره مخالفت ته لومړیتوب ورکوي، فرانسوي رسنۍ «مدیا پارت» په یوه راپور کې لیکلي چې د طالبانو د مشر د استوګنځي په ګاونډ کې د کندهار د میرویس روغتون د ماشومانو په څانګه کې ماشومانو ته بستر نه موندل کېږي.
اژانس وايي، د میرویس روغتون د ماشومانو څانګه له سختې ګڼهګوڼې سره مخامخ ده. د دې څانګې مشر وايي چې د طبي امکاناتو د نشتوالي له امله درې ماشومان په یوه بستر کې بستر کېږي او ډېری یې له سختې خوارځواکۍ کړیږي.
د تاند یوټیوب چاینل سبسکرایب او ویدیوګانې لایک کړئ
د ماشومانو څانګې مشر هدایتالله حکیمي، ویلي چې ډېری بستر شوي ماشومان د خوارځواکۍ له امله سخت په تکلیف کې دي او د هغوی میندې د سخت فقر له امله د خپلو نویو زیږېدلو ماشومانو د شیدو ورکولو وس نه لري.
د هغه په وینا، دا روغتون یوازې ۱۷۹ بسترونه لري، خو هره ورځ تر ۳۰۰ ډېر ماشومان ورته مراجعه کوي.
د نړیوالو مرستو د کمېدو، په ځانګړي ډول د امریکا د ملاتړ د راکمېدو له امله د افغانستان د روغتیايي نظام په سلګونو درملیز مرکزونه تړل شوي او له دې کبله په درملو او طبي پرسونل کې کموالی راغلی دی.
د روغتیا نړيوال سازمان خبرداری ورکړی چې د افغانستان روغتیايي نظام د سقوط په درشل کې دی. د دې سازمان د افغانستان د دفتر مشر «ادوین سنیزا سالوادور» ویلي چې له څلورزره تر پنځه زره درملیزو مرکزونو څخه یوازې ۱۰۶۸ د نړیوالو بنسټونو تر ملاتړ لاندې دي.
د روغتیا نړیوال سازمان د شمېرنو له مخې، تر اوسه ۴۲۲ مرکزونه د مالي سرچینو د نشتوالي له امله تړل شوي دي.
مرستندویې ادارې وايي چې د بشري مرستو د کمېدو په پایله کې د میلیونونو افغانانو روغتیا له جدي ګواښ سره مخ شوې او د یوې انساني فاجعې اندېښنې زیاتې شوي دي.
ضرور ندی چی کندهاریان خپل ماشان بستر کړی، الله ته دی بغاری ووهی ماشوم به یی جوړ شی.