تاند『یکشنبه د چنګاښ ـ سرطان ۱۵مه』د پاکستان بهرنیو چارو وزارت ویاند شفقت علي خان یوې خبرې ناسته کې ویلي چې، پاکستان په افغانستان کې د طالبانو د حکومت په رسمیت پېژندلو کې بېړه نه کوي.
شفقت علي خان زیاته کړې چې یاده پریکړه به د خپلو ملي ګټو پر بنسټ کوي.
نوموړی داسې مهال دا څرګندونې کوي، چې دوه ورځې وړاندې روسیې د لومړني هېواد په توګه د طالبانو حکومت په رسمیت وپېژنده.
د روسیې د رسمیت پېژندلو اعلان مثبت او منفي غبرګونونه له ځانه سره درلودل.
د روسیې د رسمیت پېژندلو تر اعلان وروسته طالبانو له نورو هېوادونو هم هیله وکړه چې د رسمیت پېژندلو پروسه کې خپل اخلاص وښیي.
سهیل شاهین ویلي وو، چې ښایي یو شمېر نور هېوادونه هم ژر طالبان په رسمیت وپېژني.
چین بیا د روسیې د دې اقدام هرکلی کړی دی.
د چین بهرنیو چارو وزارت څرګنده کړې چې چین د افغانستان او نړیوالې ټولنې ترمنځ د تعامل کچې له لوړېدو ملاتړ کوي.
د روسیې د باندنیو چارو وزارت تایید کړه چې د طالبانو حکومت یې په رسمیت پېژندلی