تاند「سې شنبه د چنګاښ ـ سرطان ۳مه」د قطر بهرنیو چارو وزارت ویلي، دغه هېواد کې د امریکا پر «العدید» هوایي اډې د ایران د تېرې شپې بریدونو په غبرګون کې یې د دغه هېواد سفیر علي صالح ابادي احضار کړی دی.
د دغه وزارت په خبرپاڼه کې راغلي چې ایران په دغو بریدونو سره د قطر هوایي حریم او ملي حاکمیت، نړیوال قوانین او د ملګرو ملتونو منشور نقض کړی او اوس دوحه د نړیوالو قوانینو پر بنسټ د ځواب ورکولو حق له ځان سره خوندي ساتي.
په بهرنیو چارو کې د قطر دولت وزیر سلطان بن سعد المریخي د ایران سفیر ته ویلي، د تېرې شپې بریدونه یې د ښه ګاونډیتوب او نږدې اړیکو اصولو سره په ټکر کې وو.
قطر یو ځل بیا د خبرو له لارې د ستونزې پر حل ټینګار کړی.
دغه راز د یوه بل خبر له مخې قطر د ملګرو ملتونو سرمنشي ته په یوه استول شوي لیک کې د ایران له لوري پر العدید پوځي اډې د توغندیز برید په غبرګون کې ویلي، چې د دا ډول پوځي اقداماتو دوام د سیمې امنیت او ټیکاو له ګواښ سره مخ کوي او دا کار کولای شي د نړیوالې سولې او امنیت لپاره له ناورین ډکې پايلي ولري.
قطر زیاته کړې چې د ملګرو ملتونو د منشور او نړیوالو قوانینو له مخې، د مستقیم غبرګون حق خپل ځان ته خوندي بولي.
په دغه لیک کې د قطر دولت همداراز پر دې ټینګار کړی چې باید ټول پوځي اقدامات سمدلاسه ودرول شي او جدي خبرو اترو ته بېرته ستنېدنه وشي.
نو شیخان سوډران کله حریم او خپلواکي لري ددغو غلام حریم خو د امریکې په لاس کې ده. اصل ایران په قطر حمله نه ده کړې ایران په امریکا یرغل کړی ځکه د تش په نامه شیخانو له خوا په ایران یرغل سر ته رسیدلی.
په قطر کی د ایران له لوری پر امریکائی اډو رښتینی یا نارښتینی برید وشو ( البته نه د قطر پر ملی حاکمیت باندی ) خو امریکائیانو او انګریزانو ځینی عربی ټولنی دیته وهڅولی چی دا برید باید پر قطر باندی د برید تعبیر ولری نو ځکه ځینو عربو د غُل زامنو دا برید وغانده. تر ټولو خواګرځن دریځ د محمود عباس دریځ ۇ. عباس وویل چی پر قطر باندی د ایران برید پر ټولو عربی هیوادونو باندی د برید معنی لری. ( یهودی زاده عباس هیڅکله نه دی ویلی چی پر غزه او ټول فلسطین باندی د اسرائیلو یرغل پر ټول عربی او اسلامی اُمت باندی د یرغل په معنی دی ).