تاند「دوشنبه د چنګاښ ـ سرطان ۲مه」کابل کې د ازبکستان فرهنګي آتشې فرهاد توره بایف ویلي چې، په نژدې راتلونکي کيږې په خپل هیواد کي د اسلامي تمدن او فرهنګ نندارتون جوړوي او په دغه نندارتون کې به د افغانستان آثارو ته ځانګړی ځای ورکړي.
د طالبانو د اطلاعاتو او کلتور وزارت په یوه خبرپاڼه کې ویلي، چې بایف دغه خبرې پرون (یک شنبه) کړې دي.
په خبرپاڼه کي راغلي چې، دغه نندارتون د یاد هیواد د جمهور رئیس شوکت میرضیایف په امر جوړېږي او د افغانستان اثارو ته ځانګړی ځای په نظر کې نیول شوی دی.
دغه خبر داسې مهال خپرېږي، چې د چین په شپږ ورځني نړېوال نندارتون کې هم د افغانستان کورني تولیدات نندارې ته اېښودل شوي دي.
د معلوماتو له مخې دغه شپږ ورځني نندارتون کې د افغانستان تولیدات په ۸۸ غرفو کې نندارې ته وړاندې شوي دي.
افغان سوداګر وایي، په دغه نندارتون کې د ۵۴ هېوادونو کورني صنایع په ۱۴۰۰ غرفو کې نندارې ته وړاندې شوي دي.
په یاد شمېر غرفو کې ۸۸ غرفې یې افغانستان ته ځانګړې شوې دي.