تاند「یکشنبه د غبرګولي ـ جوزا ۲۵مه」په سمنګان ولایت کې د طالبانو امنیې قوماندانۍ په یوه خبرپاڼه کې ویلي، چې درې صوف ولسوالۍ کې د ډبرو سکرو د یوه کان نړېدو پېښه کې څلور تنو ژوند بایللی دی.
خبرپاڼه زیاتوي، چې مړه شوي کسان د دغه کان کارکوونکو دي.
خبرپاڼه کاږي چې د مړو شوو کار کوونکو جسدونه را ایستل شوي او کورنیو ته یې سپارل شوي دي.
دغه پېښه د یاد ولایت، دره صوف په لیله و قوبي کې رامنځته شوې ده.
دا لومړی ځل نه دی چې په یاد ولایت کې کان کیندونکي د کان د نړیدو له امله ژوند بایلي، تر دې وړاندې هم لسګونه داسې پېښې شوي دي.
د نظر خاوندان بیا د دې پېښو لوی لامل غیر مسلکي کان کېندنه بولي، چې له امله یې له وړاندې د خطر ارزونه نه کېږي او دوی بیا خپل ژوند بایلي.
دوی وایي، د افغانستان کانونه په پرله پسې ډول د کافي خوندیتوب او مناسبو تجهیزاتو د نشتوالي له امله د خونړیو پېښو شاهدان دي.
د نظر خاوندان زیاتوي، چې دا پیښه یو ځل بیا په کانونو کې د کارګرانو خوندیتوب ته د پاملرنې په اهمیت ټینګار کوي.
بس سي ملا په خيټه موړ وي نور د ټول جهان نسکور وي. دغه په وینو لړلې روپۍ مخکي د اشرارو جیبو ته لویدې اوس د طالب جیب ته. دغه بدبخته خلک له مجبوري د مرګ خولې ته ورکوي. الله تعلی ددغه د ولس دښمنان خوار زلیله کړي 🤲😔