تاند「شنبه د غبرګولي ـ جوزا ۱۷مه」افغانستان کې نن د لوی اختر لومړۍ ورځ ده.
د طالبانو د حکومت د کورنیو چارو وزارت وایي، ځواکونه یې په ټول توان سره د هېواد بېلابېلو سیمو کې د خلکو امنیت لپاره ګمارل شوي دی.
د یاد وزارت ویاند عبدالمتین قانع زیاته کړې، د خلکو خوښي او ارامي یې بنسټیز لومړیتوب دی او د اختر پاتې ورځو کې به د امنیت په برخه کې خپلې هلې ځلې لا پراخې کړي.
قانع ډاډ ورکړی، چې د تېر اختر په څېر به دا اختر په بشپړ امنیت کې تېر شي.
نوموړي ویلي، د طالبانو اړوند پولیس نورو امنیتي ځواکونو سره په بشپړه همغږۍ د هېواد په هر ګوټ کې د هېوادوالو تر څنګ ولاړ دي.
کندهار کې د اسلامي امارت مشرتابه په امامت د اختر لمونځ ادا شو
اخوا بیا د طالبانو ویاند ذبیح الله مجاهد ویلي، نن شنبه د لوی اختر په مناسبت د کندهار عیدګاه کې د طالبانو د مشرتابه هبة الله اخندزاده په امامت د اختر لمونځ ادا شو.
مجاهد په خپله اېکس پاڼه لیکلي، زرګونو هېوادوالو هم د اختر په لمانځه کې ګډون درلود.
د داسو څیرو لیدل چی ینیفورم نلری خپل د بی امنیتی او ډار سبب نه ګرځی؟ پدی څلور کالو کی ملا حکومت ونشو کړای چی له ښارونو څخه غیر مسؤل کسان وباسی.