د پښتون ژغورنې غورځنګ (PTM) فنلنډ څانګې پرون د ۲۰۲۵ کال د اپرېل په ۱۹مه، د فنلنډ د پارلمان مخې ته د پاکستان له لوري د افغان کډوالو د جبري شړلو پر ضد لاریون وکړ.
په دې لاریون کې لسګونو افغانانو، د بشري حقونو فعالانو او د بلوڅانو استازو ګډون کړی و.
ګډونوالو د پاکستان د دغه کړنو پر ضد شعارونه ورکړل او له نړیوالو یې وغوښتل چې د افغان کډوالو حقونو ته پاملرنه وکړي.
د PTM فنلنډ مشر شفیق الله یوسفزي وویل، د افغان کډوالو جبري شړل د انساني حقونو خلاف دي او نړیوال باید غلي پاتې نه شي.
د ورته لاریونونو لړۍ به نن په بلجیم، ډنمارک او درویشتمه نېټه په برتانیه کې هم دوام ومومي.