تاند【شنبه د حمل ـ وري ۲۳مه】پاکستان کې د طالبانو سفارت ویلي، افغان سفیر سردار احمد شکېب د پاکستان لومړي وزیر سلاکار پروېز خټک سره کتلي دي.
سرچینې زیاته کړې چې په دې دې لیدنه کې په پاکستان کې د افغان کډوالو وضعیت، د کډوالو په اړه د پاکستان حکومت د وروستۍ پرېکړې او د دواړو هېوادونو د اړیکو لپاره په پایلو خبرې شوې دي.
سرچینه زیاتوي، چې دغه راز دواړه لورو د دوه اړخیزو اړیکو برخه کې د شته ستونزو په اړه هم خبرې کړي دي.
د پاکستان حکومت له لوري افغان کډوالو ته د ورکړل شوي ضرب الاجل له پوره کېدو سره سم له یاد هېواده له کومې همغږۍ پرته د کډوالو ایستلو لړۍ پیل شوه.
وروسته د طالبانو د حکومت رئیس الوزراء په ګډون په نړیواله کچه د پاکستان دغه اقدامات وغندل شو او له دغه هېواده یې په جبري ډول د کډوالو د بېرته ستنولو لړۍ د درولو غوښتنه وکړه، خو پاکستان په خپل تصمیم کلک ولاړ او هره ورځ په زور افغان کډوال له دې هېواده وباسي.
افغان کډوال وایي، پاکستان یې د شړلو ترڅنګ وهي، ټکوي او مالونه یې هم ترې ایساروي.
افغان لوری بیا له پاکستانه غواړي چې له کډوالو سره دې د انساني اصولو له مخې چلند وکړي او دوی دې په عزت افغانستان ته راواستوي.