تاند【شنبه د حمل ـ وري ۲۳مه】د طالبانو د حکومت کډوالو او بېرته راستنېدونکو چارو وزارت وایي، چې د لغمان د قرغیو والسوالۍ په سرخکانو سیمه کې یې له پاکستانه د راستنېدو افغان کډوالو لپاره یو لنډ مهالی مېشت غالی جوړ کړی دی.

د سرچینې د معلوماتو له مخې په دې مېشت غالي کې د کډوالو لپاره ټولې اسانتیاوې په پام کې نیول شوي دي.

کډوالو ته د ښاروالۍ له لوري د اوبو، ټرانسپورټ خدمات او همکارو ادارو له خوا اړین توکي چمتو شوي دي.

سرچینې دغه راز په یو بل خبر کې ویلي، چې ۲۶۳ افغان بندیان یې هم د پاکستان له زندانونو ازاد کړي دي.

یاد وزارت د کندهار سپن بولدک سرحدي امریت له قوله خبر ورکړی، چې یاد کسان د پاکستان په بېلابېلو سیمو کې نیول شوي وو، چې په بند کې تر پنځو ورځو تېرېدو وروسته راخوشې او بېرته هېواد ته راستانه کړای شول.

پاکستان کې د افغان کډوالو وضعیت خورا د اندېښنې وړ بلل کېږي.

سرچینې وایي د جبري ایستنې ترڅنګ پاکستاني پولیس کډوال وهي، ډبوي او د کور توکي تر ایساروي.

افغان لوري له پاکستانه غوښتنه کړې چې افغان کډوال دې په عزت دې لوري ته راواستوي.