تاند【دوشنبه د کب ـ حوت ۲۷مه】د ننګرهار د سوداګرۍ خونې او د افغان او پاکستاني سوداګرو د ګډې جرګې غړي عزیزالرحمن عرب ویلي چې، افغان او پاکستاني سوداګر او قومي مشران د تورخم دروازې پرانیستلو په تړاو هوکړې ته رسېدلي دي.
عزیز الرحمن زیاته کړې چې، د لارې پرانیستلو په اړه دواړو لورو هوکړه کړې او ټاکل شوې نن ماښام د تورخم دواړه لوري د لارې پرانیستلو په اړه د ترتیباتو نیولو لپاره د همغږۍ غونډه وکړي.
سرچینه زیاتوي چې ټاکل شوې د تورخم دروازه سبا د هر ډول تګ راتګ پرمخ پرانیستل شي.
کابو ۲۵ ورځې کېږي چې د تورخم دروازه د هر ډول تګراتګ پرمخ تړل شوې ده.
له دې امله، دواړو لوریو ته له توکو بار سلګونه موټر ولاړ دي او هره ورځ سوداګر ملیونونه افغانۍ زیات ویني.
د دې دروازې په تړاو لومړنۍ جرګه بې پایلې شوې وه.
د تورخم دروازې د خلاصون په موخه نن افغان او پاکستاني سوداګر دوهمه جرګه کوي