تاند【شنبه د سلواغې ـ دلوې ۲۷مه】په بلخ ولایت کې طالب چارواکو خبر ورکړی، چې له دغه ولایت څخه یو ۹ کسیزه پلاوی د ستونزو حل لپاره ازبکستان ته سفر کړی او له ازبک چارواکو سره یې کتلي دي.
ځایي سرچینې وایي، چې دې کتنه کې د افغانستان د ټرانزیټي موټرو بند پاتې کېدلو، په ګډ بازار کې د افغان وچو مېوو د پلور مخنیوي او روغتون ته د بېړنیو ناروغانو دنه لاسرسي پر ستونزو خبرې شوې دي.
په همدې تړاو خبرپاڼه کې راغلي، چې تر دې لیدنو وروسته یادې ستونزې هوارې شوې او پرېکړه شوې چې ازبکستان به د افغانستان ۱۵۰۰ بند پاتې ترانزیټي موټرو ته د تګ اجازه ورکړي.
سرچینه وایي، دغه راز په ګډ بازار کې افغان سوداګر کولای شي خپلې وچې مېوې وپلوري او هوکړه شوې چې بېړني ناروغان د تذکرې په درلودلو سره د ګډ بازار روغتون ته مراجعه کولای شي.