تاند ( چهارشنبه د مرغومي ـ جدي ۱۲) د پاکستاني رسنیو د راپورونو له مخې د ۲۰۲۴ کال له جنورۍ تر نومبر په دغه هېواد کې د ناموسې وژنو ۳۴۶ پېښې ثبت شوي دي.
سرچینې وایي، چې په ۲۰۲۴ کال کې ناموسي وژنو د ۳۴۶ ښځو ژوند اخیستی دی.
د راپورونو له مخې، د پاکستان د بشري حقونو کمېسیون ویلي، د ۲۰۲۴ کال په دوام ناموسي وژنې لا هم په ټول پاکستان کې د یوې جدي ستونزې په توګه مطرح دي.
سرچینې زیاتوي، چې د دغو جرمونو لوړې شمېرې په ځانګړي ډول سند او پنجاب ایالتونو کې ثبت شوې دي.
پاکستان په اوس وخت کې یو له هغو هېوادونو شمېرل کېږي، چې وګړي یې له رواني اړخه سخت نا ارامه دي.
دوی پاکستان کې د نا امنیو ترڅنګ د ښځو پر وړاندې ناوړه او ناموسي پېښو اندېښمن کړي او د مخنیوي غوښتنه یې کوي.