تاند (پنجشنبه، د لیندۍ/ قوس ۲۲ مه) په افغانستان کې د ملګرو ملتونو مرستندوی ماموریت هغه برید وغانده چې په له کبله یې د افغانستان د کډوالو او بېرته راستنېدو سرپرست وزیر او یو شمېر نور کسان وژل شوي دي.
ترهګرې ډلې، داعش د دې برید مسوولیت منلی دی.
د ملګرو ملتونو د افغانستان مرستندوی ماموریت (یوناما) د پنجشنبې په ورځ پر خپله ایکسپاڼه لیکلي: “د ثبات په لټه کې ترهګرۍ ته هېڅ ځای نه شي ورکول کېدای.” یوناما د قربانیانو کورنیو له کورنیو سره خواخوږي څرګنده کړې ده.
د طالبانو د حکومت د کډوالو او بېرته راستنېدو چارو وزیر، خلیل الرحمن حقاني، د چهارشنبې په ماسپښین په پلازمېنه کابل کې د خپل وزارت په انګړ کې د ځانمرګي برید په ترڅ کې ووژل شو.
اروپايي اتحادیې، د اسلامي همکاریو سازمان، قطر، سعودي عربستان، پاکستان او ایران هم دا برید غندلی دی.
داعش د چهارشنبې په ورځ په یوه خپره خبرپاڼه کې د دې برید مسوولیت پر غاړه واخیست او ویې ویل چې حقاني د برید اصلي هدف و.
مکوه په چا وبشي په تا
همدوی ځانمرګي روزل او عام افغانان یې پرې وژل ویل کیږي چې دې کورنۍ د چنګیز نه زیات افغانان په ځانمرګو شهیدان کړي. دوی ورته استشهادیان وایي او اوس د ته شهید وایي، سوال دادی چې اوس استشهادي شهید دی که خلیل حقاني؟