تاند ( یکشنبه د عقرب ۲۰مه) سیګار په خپل تازه راپور کې د امریکا کانګرس ته وړاندیز کړی چې د راتلونکي کال په ستمبر میاشت کې دغه اداره خپل فعالیت پای ته رسوي.
افغانستان بیارغونې د چارو څارونکې دغه امریکایي اداره « سیګار» دا راپور پرون شنبه د عقرب په ۱۹مه خپور کړی دی.
یادې ادارې په خپل دې ۳ میاشتني راپور کې د خپل فعالیت د بندولو سبب له افغانستان سره د امریکا د مرستو کمېدل ښودلي دي.
په دې راپور کې د سیګار مشرجان ساپکو ویلي، افغانستان کې د طالبانو واک سره سم دې هېواد سره د امریکا مرسته کمه شوې ده، چې په خبره یې د فعالیت بندولو لپاره یې دا وړاندیز جیوپولیټیک واقعیت ښکاروي.
د سیګار د راپور له مخې د طالبانو له بیا واکمنېدو راهیسې د افغانستان د بیارغونې لپاره د امریکې ځانګړې شوې بودیجه ۸۲ سلنه کمه شوې او د ۲۰۲۱ په جون کې له ۶ اعشاریه ۶۸ ارب ډالرو سږ ستمبر کې یواځې ۱ اعشاریه ۲۱ اربه ډالرو ته کمه شوې ده.