تاند ( یکشنبه د میزان ۲۹مه) د افغانستان د والیبال ملي لوبډلې نن د مرکزي اسیا په سیالیو کې خپله درېیمه لوبه له مالديف سره ترسره کړه.
افغان لوبډلې په دې لوبه کې ۳ د صفر پر وړاندې بریا خپله کړه.
افغان لوبډلې په روان ټورنمنټ کې یې خپله لومړۍ بریا ثبت کړه.
افغانستان تر دې وړاندې ترکمنستان او ازبکستان ته سیالۍ بایللې دي.
د یادونې ده چې افغان لوبډله به د ګروپي پړاو دوه نورې سیالۍ له تاجکستان او قرغزستان سره ترسره کړي.
د مرکزي اسیا د والیبال سیالۍ د تېرې جمعې په ورځ د ۶ هېوادونو په ګډون سره د ازبکستان په پلازمېنې تاشکند کې پیل شوي دي.
دا ټورنمنټ به د اکټوبر تر ۲۴مې دوام لري.