تاند (شنبه، د میزان ۲۷ مه) کندهار په تېرو دوو میاشتو کې د ۲ میلیون ډالرو په ارزښت ۹۹۵۰ ټنه پیاز صادر کړي دي.
دا خبره د کندهار د سوداګرۍ او پانګونې خونې مرستیال عبدالباقي بینا د کندهار د کرنیزو تولیداتو په اړه د نورو معلوماتو د ورکولو ترڅنګ باختر خبري آژانس ته کړې ده.
د ده په وینا، پیاز په عمده توګه ګاونډیو هیوادونو ایران او پاکستان ته صادر شوي، چې د کندهار د کرنیزو وړتیاوو یوه نښه ده.
بینا د پیازو د تولید د زیاتوالي لامل د محلي بزګرانو هڅې او د پخوا پرتله ښه شوي کرنیز فعالیتونه وبلل.
تمه کیږي چې د پیازو تولید زیاتوالی به د بزګرانو ژوند ته ګټه ورسوي او د ولایت په ټول اقتصاد کې به مثبته ونډه ولري.