تاند ( شنبه د میزان ۲۸مه) د ښځو ترمنځ د کرکټ شل اوریز نړیوال جام پایلوبې ته نیوزیلنډ او جنوبي افریقا سره مخامخ شوې.
پرون د جمعې په ورځ ۲همه نیمه پایلوبه د نیوزیلنډ او ویسټنډیز ترمنځ ترسره شوه، چې نیوزیلنډ د ۸ منډو په توپیر وګټله.
دغه سیالي چې د عربي متحدهاماراتو د شارجې په لوبغالي کې ترسره شوه.
نیوزیلنډ د ۹ لوبغاړو تر سوځېدو وروسته د ۱۲۹ منډو هدف وټاکه. ویسټنډیز په ۲۰ اورونو کې ۸ لوبغاړي له لاسه ورکړل او ۱۲۰ منډې یې وکړې.
اېډن کارسن چې پهدې لوبه کې د ویسټ اینډیز درې لوبغاړې وسوځولې د لوبې غوره لوبغاړې ونومول شوه.
د روان شل اوریز نړیوال جام په لومړۍ نیمه پایلوبه کې سویلي افریقا اسټرالیا ته ماتې ورکړې وه.
د ویلو ده چې د دې شل اوریز نړیوال جام پایلوبه به د اکټوبر په ۲۰مه نېټه د سویلي افریقا او نیوزیلنډ ترمنځ ترسره شي.
سبا یکشنبه د اکتوبر ۲۰مه به پایلوبه به د نیوزیلنډ او جنوبي افریقا ښځینه ملي لوبډلو ترمنځ ترسره شي.
تر نیوزیلنډ وړاندې افریقا، اسټرالیا ته په ماتې ورکولو سره پای لوبې ته ځان رسولې ده.