تاند (سې شنبه، د میزان ۲۴ مه) د افغانستان لپاره د امریکا پخواني استازي، زلمي خلیلزاد، د پښتون ژغورنې غورځنګ له لوري د خپلو حقونو د ترلاسه کولو په خاطر د لویې جرګې جوړېدا یو هیله بخښونکی ګام وباله.
زلمي خلیلزاد په “ایکس” کې ولیکل چې له څو کلونو وروسته، د پښتون ژغورنې غورځنګ ښه ورځې ولیدې او د خپلو حقونو د ترلاسه کولو لپاره د پاکستان د حکومت په مخالفت کې د جرګې جوړول د پام وړ ګام و.
هغه زیاته کړه، که څه هم د ارزونې لپاره لا وختي دی، خو هغو بریاوو ته په کتو چې دوی ترلاسه کړي، د پي ټي ایم مشرتابه هڅې د هیلو وړ دي.
خلیلزاد خبرداری ورکړ چې د پاکستان د حکومت، په ځانګړې توګه د پوځ د لوی درستیز جنرال عاصم غبرګون به د جرګې په اړه منفي وي.
خلیلزاد وویل، د پاکستاني چارواکو له احتمالي غلیمانه اقداماتو سره سره خپلو اهدافو ته په رسیدو کې د جرګې د تنظیموونکو وړتیاوې د اهمیت وړ دي.
خلیلزاد وړاندې ویلي: سره له دې چې د بې ثباتۍ او حتی نښتې احتمال نه شي ردولی. ده زیاته کړې، که څه هم پي ټي ایم د سولهییزو لارو چارو هرکلی کوي، خو دوی د نورو انتخابونو لپاره هم تیاری نیسي.
د پښتنو د قومي عدالن درې ورځنۍ لویه جرګه د یکشنبې په ورځ په یوې اعلامیې پای ته ورسېده.
د پښتون ژغورنې غورځنګ مشر، منظور پښتین، د جرګې په پای کې په خپله وینا کې پر افغان طالبانو غږ وکړ چې د نجونو لپاره ښوونځي پرانیزي او یو ټولشموله حکومت جوړ کړي.
This has been a significant week in #Pakistan. I am not talking about the Shangai Cooperation Organization (SCO) summit which willbstart in Islamabad in a few hours. I am talking about the huge assembly (Jirgah) of tribal, political, and social leaders, men and women, of…
— Zalmay Khalilzad (@realZalmayMK) October 15, 2024