تاند (یکشنبه، د میزان ۲۲مه) د افغانستان د کرکټ الف لوبډلې د درې اړخیزو سیالیو په لومړۍ مسابقه کې د هانګ کانګ لوبډلې ته په ۷ ویکټونو ماته ورکړه.
لومړی د هانګ کانګ لوبډلې بیټنګ یا توپ وهنه وکړه او د ۹ لوبغاړو د سوځېدو او د ۲۰ اورونو په پای کې یې ۱۱۲ منډې وکړې.
افغان لوبغاړو په داسي حال کې چې ۳ لوبغاړي یې سوځېدلي وو، په څوارلسم اور کې هدف پوره کړ.
د افغانستان د الف لوبډلې، او د عمان او هانګ کانګ د ملي لوبډلو درې اړخیزې مسابقې د عمان په کوربه توب کېږي.