تاند (جمعه د میزان ۲۰) په خیبر کې د پښتون ژغورنې غورځنګ له لورې د” پښتنو قومي عدالت” په نامه رابلل شوې جرګه کې په پراخه کچه ښځو ګډون کړی دی.
په ټولنیزو رسنیو کې لیدل کېږي، چې د یادې جرګې د راټولو شوو کسانو په منځ کې په زیاته اندازه ښځې لیدل کېږی.
د جرګې له پیل وړاندې په خیبر سیمه کې مخابراتي شبکې قطع شوې دي.
ټاکل شوې دغه جرګه نن له غرمې وروسته پیل شی.
د خیبر پښتونخوا اعلی وزیر امین گنداپور ژمنه کړې چې د جرګې غوښتنې به له حکومت سره شریکې کړي.
تر دې وړاندې پاکستاني حکومت تر وروستی بریده هڅه وکړه څو به جرګه کې د خلکو د حضور مخه ونیسي خو بریالی نشول او د نارینه په شمول بې شمیره ښځو هم ګډون کړی دی.