تاند (یکشنبه، د میزان ۱۵مه) د طالبانو د حکومت د احصايې او معلوماتو ملي اداره وایي، چې د تېرې وږي (سنبلې) په میاشت کې افغانستان ته ۳ زره او ۳۲۸ بهرني سیلانیان د هېواد له بیلابیلو سیمو لیدنه کړې ده.
یاده اداره زیاتوي چې یاد شمير سیلانیان د هوايي ډګرونو او ځمکنيو بندرونو له لارې افغانستان ته راغلي دي.
د طالبانو د احصایې او معلوماتو ملي اداره وایي دغه کسان چې ښځې هم په کې شاملې دي د ګرځندویي او کار لپاره افغانستان ته راغلي او بېرته وتلي دي.
افغانستان ته د بهرنیو سیلانیانو راتګ د طالبانو له بیا واکمنېدو سره زیات شوی دی.