تاند(یکشنبه، د میزان ۱۵مه) د ملګرو ملتونو د ماشومانو د ملاتړ صندوق یا یونېسف په خپله ایکس پاڼه ۱ زر ۳۰۰ زده کوونکو لپاره د څښاک د اوبو شبکې د جوړېدو خبر ورکړی.
سرچینې زیاته کړې، چې د اوبو رسولو دغه شبکه يې پروان ولایت کې جوړه کړې ده.
د پاکو اوبو دا شبکه داسې مهال فعالیت پیلوي، چې د هېواد په زیاتو سیمو په تېره بیا کلیوالو سیمو کې خلک د څښاک د پاکو اوبو له نشتون شکایت کوي.
په ورته وخت کې روغتیاپالان په هېواد کې د کولرا، نس ناستي ناروغیو د زیاتوالي خبره کوي.
دوی وایي په زیاتو ناروغیو د اخته کېدو اصلي لامل د ناپاکو اوبو کارول دي.