تاند (سې شنبه، د میزان ۳ مه) د ملګرو ملتونو د کلتوري او تعلیمي ادارې، یونسکو عمومی رییسې، ایډر ازول وایي، د طالبانو له لوري د نجونو پر زده کړو محدودیتونه د ښځو یو نسل قرباني کیږي.
مېرمن ازول په نړیواله ټولنه باندې غږ وکړ چې پر طالبانو فشار راوړي چې د نجونو د زده کړې حق بېرته ورکړي.
د یونسکو رييسې له ایکسپریس مجلې سره په یوه مرکه کې د زده کړې له حق څخه د افغان نجونو او ښځو پر محرومیت اندېښنه څرګنده کړه او ویې ویل: “دا یو داسې وضعیت دی چې باید موږ ټول اندېښمن کړي او دا زما لپاره یوه حیاتي مبارزه ده.”
هغې زیاته کړه، په تېرو دریو کلونو کې افغانستان د شاتګ په حال کې دی، هلته هڅه روانه ده چې نجونې او ښځې له عاممومي چاپېریاله وایستل شي.
میرمن ازولي د نجونو د زده کړې د حق اود عمل د ازادۍ په برخو کې شاتګ د منلو وباله، ویې ویل چې یونسکو په افغانستان کې د زده کړې د بدیلو میتودونو د ملاتړ لپاره کار کوي.
د اغلې ازولي په وینا، یونسکو له ځایي ټولنو سره په مستقیمه توګه کار کوي چې د سواد زده کړې کورسونه وړاندې کړي او د نجونو لپاره د تعلیمي پروګرامونو د خپرولو لپاره یې د افغان رسنیو ملاتړ کړی دی.
خو دا په داسي حال کې ده چې طالبانو لږترلږه په خوست ولایت کې ځايي رسنۍ د نجونو لپاره د تعلیمي خپرونو له خپرولو منع کړي دي. کابو دوې اوونۍ وړاندې د خوست رسنوالو وویل چې د طالبانو د امریالمعروف کسانو ورته ویلي چې له شپږم ټولګي پورته ټولګیو لپاره تعلیمي پروګرامونه ودروي.
د طالبانو تر ولکې لاندې افغانستان په نړۍ کې یوازینی هېواد دی چې له شپږم ټولګی وروسته نجونو ته د زده کړو اجازه نه ورکول کېږي.
اغلې ازولي وايي، د یونسکو د ې په توګه، په نړیواله ټولنه غږ کوي چې خپلو هڅو ته دوام ورکړي چې بې شرطه د افغان نجونو د زده کړې حق بیرته ترلاسه شي.
زه فکر کوم د یونسکو مشرې غلط چینل نیولی، طالب څوک دی چې تصمیم ونیسي، باید فشار په امریکا او پاکستان واچول شي. طالب غریب خو اوس هم چې د طیارې اواز واوري پټیږي فکر کوي چې ډرون دی. مشر یې تر اوسه د ناوې پشان مخ پټوي.
دغه ټولې بدبختۍ د یونسکو سي ځاله د بشریت او انسانیت دښمنه امریکا ده افغان ولس ته راوړې. اولې یې د بوینې دموکراسۍ تر نوم لاندي خباثت او فحشت افغان ولس ته وروړ .د کافرستان له کمپو تللي د اشرارو چیچیان لوڅ کوني او شمالي غله سیتمیان سوډران یې واک ته ورسول. وروسته یې دوه کاله طالب په قطر کې داسي وپړسول لکه د لاندي پسونه او واک ته یې ورسول.زما په اند دغه د یرغلګرو له خوا ورته ویل سوي سي افغان ولس د تورو تیارو په زندانو کې تر قیامته وساتۍ. یوازي خماریان او جاهلان به ددغو سوډرانو په خبرو باور کوي.
د نجونو زده کړې ددې لپاره بندې دي چې په افغانستان کې د نړۍ ټولو تروریستانو ته یو مصؤن او اوږدمهاله چاپیریال رامنځ ته شي، همدا مهال دافغانستان په شمال کې داعشیان په وده کې دي، طالب خوار یو کندهاری، هلمندی، زابلی او غزنیچی قچاقچي دی، طالب چې په ښوروا موړ وي له خدایه شکر وباسي، طالب بې صلاحیته پیاده او چپړاسي ته ورته یو موجود دی. طالب به څوک وي او فیصله به یې څه وي.
پروګرام امریکې سره دی او مدیریت پاکستان سره دی، طالب هغه لیونی دی چې زنده خوش است.