تاند (یکشنبه، د سنبلې ۴ مه) د بنګله دېش د کرکټ ملي لوبډلې پاکستان ته په ټیست سیالۍ کې سخته ماته ورکړه.
نن د دې سیالۍ په پنځمه ورځ پاکستان د بنګله دېش د لومړۍ پاڼۍ د ۵۶۵ منډو په ځواب کې یوازې ۱۴۶ منډې جوړې کړې او ټول لوبغاړي یې وسوځېدل.
بنګله دېشي لوبغاړو په دې ټیسلوبه کې چې د پاکستان په کوربه توب په راولينډۍ کې وشوه، په دوهمه پاڼۍ کې بې له دې چې کوم لوبغاړی یې وسوځېږي، د پاکستان د ۳۰ منډو هدف پوره کړ.
د بنګله ديش لوبډله د پاکستان د لومړۍ پاڼۍ د ۴۴۸ منډو په ځواب کې په ۵۶۵ منډو سوځېدلې وه او تر کوربه ټیم یې ۱۱۷ زیاتې منډې کړې وې.
ټاکل شوې ده چې دواړه لوبډلې د راروانې جمعې په ورځ (د اګست ۳۰مه) په بله ټیست سیالۍ کې له یو بل سره مخامخ شي.