تاند (یکشنبه، د سنبلې ۴ مه) په پاکستان کې نن (یکشنبې) په دوو جلا ترافیکي پیښو کې لږ تر لږه ۳۴ کسان مړه شوي دي.
چارواکي وایي، په وژل شویو کې ۱۲ زیارتوال وو چې د ایران له پولې څخه د تېرېدو اجازه نه وه ورکړل شوې.
په لومړۍ پیښه کې، ۲۲ کسان هغه وخت مړه شول چې د دوی د سپرلۍ بس د پنجاب ایالت او د پاکستان تر کنټرول لاندې کشمیر ترمینځ او ازاد پټان ښار ته نژدې په دره کې ولوېد.
په دوهمه پیښه کې، ۱۲ کسان هغه مهال مړه شول چې د سپرلۍ بس یې د بلوچستان ایالت د مکران د ساحلي لویې لارې په دره کې وغورځېد.
دغو کسانو هم غوښتل چې د زیارت لپاره ایران ته لاړ شي خو ایران اجازه نه وه ورکړې.
په پاکستان کې ترافیکي ډېرې ترافیکي پېښې د لارو د خرابوالي او د موټر چلوونکو د بې احتیاطۍ له کبله کېږي.