«غذا» او «غزا» دواړه ښځينه نومونه دي، دوې- دوې څپې لري. په شکل کي په (ذ) او (ز) کي توپير لري.

جمع ئې په (وي او ګاني) دواړو کېږي.

غذا/خواړه، د خوړو شی، ډوډۍ يا نور خوراکي توکي.

غزا/د دين له دښمن سره جګړه، جهاد. هغه جګړه چي نبي کريم ص برخه پکي اخيستې وي.

مثالونه:

د غذايي موادو قيمت ورځ په ورځ لوړ ځي.

ماشومانو ته  بايد سالمه غذا ورسېږي.

رسول اکرم صلی الله عليه وسلم په ډېرو غزاګانو کي شرکت کړی دی.

د بـــدر  په غزا کي د مسلمانانو  شمېر (۳۱۳) تنه وو.

«نبوي سيرت يو لړ زياتی مزايا او ځانګړتياوي لري، چي د هغو مطالعه کول لوستونکي ته روحي، عقلي او تاريخي غذا ګرزي.»