تاند (یکشنبه، د اسد ۲۱ مه) په یوه ترافیکي پېښه کې چې تېره شپه د میدان وردک ولایت په بهسود ولسوالي کې وشوه، ۴ تنه مړه او یو تن ټپي شوی دی.
باختر خبري اژانس نن (یکشنبې) وویل چې دا پېښه د یوه موټر او بایسکل د ټکر په نتیجه کې شوې ده.
د میدان وردک د امنیه قوماندانۍ ویندوی یوسف اسرار وویل، موټر، چې له بامیان څخه کابل ته روان و، په بهسود ولسوالي کې له یوه بایسکل سره ټکر شو او بیا چپه شو.
په افغانستان کې اکثره ترافیکي پېښې د لارو د خرابوالي او د موټرچلوونکو د بې احتیاطۍ له کبله کېږي.
سږ کال په ځانګړي ډول ترافیکي پېښې زیاتي دي خو له کبله یې د مرګ ژوبلو کره راپور نه شته.