تاند (یکشنبه، د اسد ۲۱ مه) د طالبانو د حکومت د ټولګټو وزارت وايي چې د سالنګ لارې د پاته برخې د ترمیم لپاره به دا لار د سنبلې تر لومړۍ نېټې پورې بنده وي.
د دغه وزارت ویندوی اشرف حق شناس نن (یکشنبې) پر خپله ایکسپاڼه (پخواني ټویټر) لیکلي چې له کوچنیو موټرو پرته، چې پر نوې فرعي لاره تګ راتګ وکړي، لوی باري موټرونه او بسونه به د سنبلې تر لومړۍ نېټې پورې په دې لاره د تګ راتګ اجازه نه لري.
طالبانو تېر کال د سالنګ تونل ترمیم کړ او ویې ویل چې د دې لارې د بیارغونې چارې یې بشپړې کړي دي.
سالنګ د افغانستان له پلازمېنې، جنوب او ختیځ سره د شمال د ۹ ولایتونو د ارتباط اصلي لاره ده.
ددې لارې د جوړیدو تصویرونه او ډنډوره خو ټولې نړۍ ته رسیدلې وه او دا سندرې به ورسره ویل کیدې چې طالبانو هغه تونل جوړ کړ چې چا پدې پنځوسو کالو کې نه و جوړ کړی. دا لکه چې تصویرې جوړښت و لکه د کمپیوتر سکرین سیور. هۍ فیسبوکي ملایانو.