تاند (پنجشنبه، د اسد ۴ مه) د طالبانو د اطلاعاتو او کلتور وزارت سرپرست ملا خیرالله خیرخواه، د لوګر په محمدآغې ولسوالۍ کې د مس عینک کان د استخراج عملي چارو د پیل په مراسمو کې ډاډ ورکړی چې دلته شته لرغوني آثار به په خوندي توګه وساتل شي.
نوموړي ویلي دي: «د تاريخي آثارو د ساتنې په موخه د ټولو اړخونو له هلوځلو څخه مننه کوو؛ د مس عینک د کان کیندنه له اړخ طرف څخه د ځمکې د تل طرف ته پيلېږي، ترڅو تاريخي آثار محفوظ پاتې شي».
ملا خیرخواه زیاته کړې چې د تاريخي آثارو ساتنه او د کان کیندنه په هم مهاله توګه یو پېچلی کار و؛ چې د ښکېلو اړخونو په همغږۍ په ښه توګه حل او پیل شو او دا پروژه د نورو پروژو په پيل کې هم آسانتيا رامنځته کولی شي.
طالب وزیر همدا رنګه له ښکېلو اړخونو څخه غوښتنه کړې چې د آثارو د ساتنې په لاره کې د طرحې مطابق اغېزمن ګامونه پورته کړي.
د طالبانو له بیا واک ته رسېدو سره دوی د تاریخي اثارو د قاچاق د مخنیوي او خوندیتوب خبرونه ورکړي.
د طالبانو په تېره واکمنۍ کې دوی یو شمېر لرغوني افغان تاریخي اثار له منځه یوړل، چې له دې امله په ښه نوم نه یادیږي.
طالب اوس هم هغه سوډر ده.هغه جاهل د علم او پوهې دښمن ده. اوس خو ددوۍ د چور وخت راغلی بیغمه اوسۍ
دا ډير ښه کار وسو چه پرانستنه وسوه ځکه چه دي پروژى ډير وخت ونيوى اوس يى دپيل سره ډير افغانان خوښ دي
معدنونه او کانونه د افغانستان ملي سرمایه ده . ملي شتمنۍ باید د یوه منل شوي ، خپلواک او خپل ولس ته متعهد او حساب ورکوونکي دولت له خوا وکیندل شي . د ملت سرمایه باید د ملت د آبادۍ په لار کې مصرف شي .
که د عینکو د کان دا بې بدیله شتمنۍ د یو څو انډیوالانو له خوا حیف او میل شي ، دا به په ملي خیانتونو کې حساب شي .