دوشنبه, جولای 15, 2024
Homeخبرونهحامد کرزي بیا له طالبانو وغوښتل چې د نجونو ښوونځي پرانیزي

حامد کرزي بیا له طالبانو وغوښتل چې د نجونو ښوونځي پرانیزي

تاند (دوشنبه، د جوزا ۲۸ مه) د افغانستان پخواني ولسمشر حامد کرزي یو وار بیا له طالبانو وغوښتل چې د نجونو ښوونځي او پوهنتونونه پرانیزي.

حامد کرزي د لوی اختر په مناسبت په پیغام کې، چې پرون (یکشنبې) یې پر خپله ایکسپاڼه خپور کړی، ویلي: «که چېرې غواړو چې هېواد او خلک مو د پردو له احتياجه خلاص شي او د خپلو بچیانو پر مټ د بريا او پرمختګ لوړو درجو ته ورسېږي نو لازمي ده چې د هېواد په ګوټ ګوټ کې نجونو او هلکانو ته د زدکړې او تعلیم زمينه برابره کړو.»

ده ټینګار کړی چې د طالبانو پر سرپرست حکومت غږ کوي چې د هېواد د خير او سوکالۍ لپاره ژر تر ژره د نجونو پر مخ د ښوونځيو او پوهنتونونو دروازې پرانيزي تر څو افغانستان له احتیاجه خلاص او د پرمختګ پر لار روان شي.

طالبانو له شپږم ټولګي پورته د نجونو د ښوونځیو د بندولو په مهال ویلي و چې دا پرېکړه یې موقتي ده او تر بلې خبرتیا پورې دې نجونې ښوونځیو ته نه ورځي خو له هغه مهاله تر زرو ډېرې ورځې واوښتې او د نړیوالو او افغانانو له غوښتنو سره سره داسي هیڅ نښه نه لیدل کېږي چې د نجونو د ښوونځیو د پرانیستلو په اړه د طالبانو د ارادې ښکارندویه وي.

1 COMMENT

  1. هبټ د کور مرتد تور پنجابي جرنیل مستعار نوم دی ، چې په افغانستان کې د وایسرا په رول کې د هغه هېواد پوځي او اداري نایب الحکومه دی . که رښتیا داسې کوم څوک وای نو :
    ځان به یې له خپلو هېوادوالو نه پټاوه .
    افغانان به یې دېته نه مجبورول ، چې خپلو هېواد پرېږدي او نورو هېوادونو ته مهاجر شي .
    که هغه افغان وای ، نو د خپل ملت او وطن پرضد به یې داسې اقدام نه کاوو ، چې له فقر ، لوږې ، وحشت ، توهین او ډار سره به مخا مخ شي .
    اقتصاد په صفر کې ضرب شي ، بې کاري اوج ته ورسیږي
    او د نړۍ له ټولو هېوادونو سره یو مخ اړیکې وشلوي . مطلق انزوا په دې معنی ده چې خپل هېواد وال او نړیوال ترې کرکه لري .

LEAVE A REPLY

Please enter your comment!
Please enter your name here

- Advertisment -

ادب