دوشنبه, جولای 15, 2024
Homeخبرونهد بروکسل غونډه کې افغانستان ته د څه باندې ۸ سوه میلیونه...

د بروکسل غونډه کې افغانستان ته د څه باندې ۸ سوه میلیونه ډالره مرستې اعلان

تاند (پنجشنبه، د جوزا ۲۴ مه) د بلجیم په پلازمېنه بروکسل کې د اروپایي ټولنې په کوربه توب غونډه کې د افغانستان بشري وضعیت ته د بېړنۍ مرستې په نوم ۸۴۲ میلیونه ډالره اعلان شوي دي.

په منځني ختیځ، سوېل لوېدیځ او منځنۍ اسیا کې د بشري مرستو لپاره د اروپايي کمېسیون سیمه‌ییز مدیر اندریاس پاپاکونسټانټینو ویلي:«افغانستان ته د بشري مرستو د لېږلو او د افغان کډوالو د سمه‌ییز کړکېچ په اړه ښه بحثونه وشول، موږ له افغانانو ملاتړ کوو، مرسته کوونکو په دغه هېواد کې بیړنیو بشري شرایطو ته د رسېدنې لپاره د ۸۴۱ اعشاریه ۹ مېلیون ډالرو مرستې اعلان کړی دی.»

د اقتصاد وزارت لپاره د طالبانو د رژیم ویاند عبدالرحمن حبیب د دغې مرستې د اعلان په غبرګون کې ویلي:«د بشري مرستو ترڅنګ، پراختیايي پروژو او پروګرامونو ملاتړ کولای شي خلکو ته د دایمي کار زمینه برابره او د بې‌وزلۍ مخه ونیولی شي.»

دا مرسته داسې مهال اعلان شوې، چې په دوحه کې د روانې میاشتې په پای کې د ملګرو ملتونو په کوربه توب د افغانستان په اړه درېیمه ناسته ترسره کیږي.

د دې غونډې په درشل کې طالب چارواکو سره د اروپایي ټولنې د استازي په ګډون د یو شمېر مطرحو نړیوالو لوریو لیدنې کتنې هم زیاتې شوي او د وروستیو مرستو اعلان هم دغې غونډې سره تړلي ګڼل شوي.

باور دا دی، چې نړیوال او له هغې ډلې اروپایي ټولنه د داسې تشویقي مرستو په اعلانولو طالبان نرمښت او نړۍ سره تعامل ته هڅوي.

LEAVE A REPLY

Please enter your comment!
Please enter your name here

- Advertisment -

ادب