تاند (چهارشنبه، د جوزا ۲۳ مه) د افغانستان د کرکټ د ملي لوبډلې تحربه کار لوبغاړی محمد نبي د کرکټ د نړیوالې شورا یا ICC د T20 آل راونډرانو په درجه بندۍ کې د 231 نمرو په ترلاسه کولو سره په نړۍ کې لومړی مقام خپل کړ.
په ۳۹ کلنۍ کې نبي د افغانستان یو له تجربه کارو کرکټرانو څخه دی چې د ملي لوبډلې لپاره یې تر ټولو زیاتې یو ورځنۍ او شل اوریزې لوبې کړي دي.
نبي د نیوزیلنډ خلاف په وروستۍ مسابقه کې په زړه پورې بالینګ وکړ او په ۴ اورونو کې یې په داسې حال کې چې یوازې ۱۶ منډو یې ورکړې، ۲ ویکټونه واخیستل. دې استثنايي نندارې په درجه بندۍ کې د هغه له لوړوالي سره مرسته کړې.
تر دې وړاندې د کرکټ نړیوالې شورا محمدنبي د ښو لوبو په خاطر د یو ورځنیو لوبو لومړی نمبر الراونډر نومولی و.
د افغانستان توپ وهونکی/ باولر رحمان الله ګوربز هم، چې د روان نړیوال شل اوره جام په دوو سیالیو کې یې تر اوسه تر ټولو توپ وهونکو زیاتې منډې کړي، خپل رینک لوړ کړی دی. د کرکټ نړیواله شورا وايي چې ګوربز اوس د نړۍ دوولسم غوره باولر دی.