تاند (چهارشنبه، د جوزا ۲۳ مه) د نړیوال شل اوره جام سیالیو په دوام کې د هند د کرکټ ملي لوبډلې نن (چهارشنبې) هند ته ماته ورکړه.
په دې سیالۍ کې، چې په نیویارک کې وشوه، هند، امریکا ته په ۷ ویکټونو او ۱۰ توپونو ماته ورکړه.
هند اوس په خپل اې ګروپ کې لومړی ځای لري.
د کرکټ د نړیوال شل اوره جام سیالیو په دوام کې به سبا درې مسابقې وشي.
په سي ګروپ کې به نن شپه (د افغانستان ۵ بجې) ویسټ انډیز او نیوزیلنډ مخامخ شي.
دوهمه سیالي به د افغانستان په وخت د ماښام په ۷ بجې په ډي ګروپ کې د بنګله دېش او نیدرلنډ (هالنډ) ترمنځ وي.
همداراز د انګلیستان او عمان سیالي د افغانستان د شپې په یوولس نیمې بجې پیلیږي.
د جمعې په ورځ به د افغانستان لوبډله له پاپونیوګینې سره مخامخ شي. دا به د افغانستان درېیمه سیالي وي. افغانستان تر دې وړاندې یوګنډا او نیوزیلنډ په لوی توپیر مات کړي او تر دې دمه نه یوازې د خپل ګروپ د جدول په سر کې دی بلکې د نومرو له نظره تر ټولو لوړ ځای لري.