تاند (سې شنبه، د جوزا ۸ مه) متحده عربي امارات، چې تر ټولو د لوړې ودانۍ په شان په نړۍ کې څو ریکارډونه لري، په لمریزې انرژۍ د ډیرو څراغونو د روښانولو په برخه کې د ګینیس نړیوال ریکارډ مات کړ.
په یوه نندارتون کې د اماراتي محصلینو له خوا د لمریزې انرژۍ په مرسته درې زره څراغونه روښانه شول.
دا څراغونه به بالاخره په فیلیپین کې د هغو کلیوالو لاسونو ته ورسیږي چې بریښنا نه لري.
په دې پروګرام کې د میسکویټ ونه چې د متحده عربي اماراتو ملي ونې ده، په څراغونو روښانه شوه.