تاند(سې شنبه، د جوزا ۸ مه) ایرلنډ، ناروې او هسپانیا نن (سې شنبې) په رسمي ډول د فلسطین دولت په رسمیت وپېژانده.
دا درې اروپايي هېوادونه هیله لري چې دغه سمبولیک اقدام به په منځني ختیځ کې د څو لسیزو جګړو د پای ته رسېدو او د اسراییلو او فلسطینیانو لپاره د دوو دولتونو د حل د بیا پیلېدو اړتیا ته پام واړوي.
اسراییلو د دې اقدام په اړه په غوسه غبرګون وښود او درې واړه هېوادونه یې د “ترهګرۍ ته د انعام په ورکولو” تورن کړل.
اسراییل په عین حال کې له دغو دریو هیوادونو خپل سفیران وایستل او په اسراییل کې یې د دغو درو هیوادونو استازو ته په رسمي توګه خبرداری ورکړ.
خو حماس او فلسطیني ادارې د دې د ناروې، هسپانیااو ایرلنډ له لوري د فلسطیني دولت د رسمیت پېژندنې هرکلی کړی دی.
د ملګرو ملتونو ډیری غړي هیوادونه فلسطین د یو دولت په توګه په رسمیت پیژني خو د دوغو هیوادونو په منځ د اروپايي هیوادونو شمېر خورا لږ دی.له همدې کبله د ناروې، آیرلنډ او هسپانیا اقدام اهمیت لری.
د درو واړو هېوادونو دا ښه اقدام د ستاينې وړ ده او ترې مننه کوو.