تاند (سې شنبې، د جوزا ۸ مه) د طالبانو د رژیم ویاند ذبیح الله مجاهد خبر ورکړی، چې عمومي مشر یې ملا هبت الله د خپل رژیم د روغتیا وزیر قلندر عباد له دندې ګوښه او څو نورې ګومارنې یې کړې دي:
هغه د دې ګومارنو جزیات په دې ډول خپاره کړي:
۱. د کورنیو چارو وزارت مخکنی اداري معین مولوي نورجلال جلالي، د عامي روغتیا وزارت د سرپرست په توګه.
۲. د استخباراتو عمومي ریاست مخکنی اداري معین ملا رحمت الله نجیب، د کورنیو چارو وزارت د اداري معین په توګه.
۳. د سمنګان ولایت مخکنی والي ملا عبدالاحد فضلي، د فاریاب ولایت د والي په توګه.
۴. د فاریاب ولایت مخکنی والي ملا محمد شعیب رسالت، د سمنګان ولایت د والي په توګه.
۵. د هلمند ولایت د ګریشک ولسوالۍ مخکنی ولسوال حاجی محمد صادق انقلابي، د کندهار ولایت د والي د مرستیال په توګه.
۶. او د کندهار ولایت مخکنی د والي مرستیال مولوي حیات الله مبارک؛ د هلمند ولایت د ګریشک ولسوالۍ د ولسوال په توګه
د دې ګومارنو او بدلونونو د لامل په تړاو څه نه دي ویل شوي.
مولوي صاحب امیرالمؤمنین هیبت الله اخوند ته یو مهم عرض
زمونږه د مکتب چپړاسي یو امي دی او د امارت تنخا اخلي ژر تر ژره ورته یو مولوي صاحب پیدا کړئ چې د خیره سره اسلام تطبیق شي