تاند (جمعه، د ثور ۳مه) د افغانستان د سوداګرۍ او پانګونې خونه (ACCI) وايي، له شاوخوا یوې میاشتې راهیسې افغانستان ته د الوتکې سونګ وارد شوي نه دي.
دې خونې اندېښنه وښوده، ویې ویل چې د طالبانو حکومت باید دا ستونزه هواره کړي او له ترکمنستانه دې وغواړي چې افغان سوداګرو ته اجازه ورکړي چې له دغه هېواد ته تېل وارد کړي.
د سوداګرۍ او صنایعو خونې مسوولانو زیاته کړه، له ترکمنستان سره د تېلو د پېرلو تړون قرارداد شوی او پیسې هم لېږدول شوي خو دا هېواد افغانستان ته د تېلو د ننوتلو اجازه نه ورکوي.
په همدې حال کې د طالبانو د حکومت وياند ذبيح الله مجاهد وايي چې دوى دغه ستونزه څېړلې او غواړي، چې د سوداګرۍ او صنايعو وزارت له لارې یې هواره کړي.
د سوداګرۍ او صنایعو خونې د چارواکو په وینا، ترکمنستان نه یوازې د الوتکو د تیلو د داخلیدو اجازه نه ورکوي، بلکې د خوراکي توکو په لیږد کې هم ستونزې پېښوي او دوی غواړي چې د سوداګرۍ او صنایعو اخونه دا موضوع له ترکمنستان سره شریکه کړي.
دا خبیث سفر سوډر ولي له افغانستان سره تربګني شروع کړه؟ روپۍ یې هم جیب ته اچولې او سودا هم نه ورکوي ! دغه خو بدماشي ده .😡