تاند (یکشنبه، د ثور ۹ مه) د سریلانکا د کرکټ الف لوبډلې نن د افغانستان الف لوبډلې ته د (ډي ایس ایل) د میتود پر اساس د ۸ منډو په توپیر ماته ورکړه.
سریلانکا په ۵۰ اورونو کې، په داسي حال کې چې ۸ لوبغاړي یې بایللي وو، ۳۰۵ منډې هدف وټاکه.
افغان لوبغاړو د سریلانکا له لوري د ۳۰۵ منډو هدف د پوره کولو لپاره ښه بیټنګ وکړ خو د ورښت له کبله مخکې تر دې چې د افغانستان الف لوبډله ۵۰ اوره پوره کړي، په ۴۸ اور کې باران سبب شو چې لوبه ودرول شي.
افغان لوبغاړو په ۴۸ اور کې د ۷ لوبغاړو له بایللو وروسته ۲۷۷ منډې کړې وې.
د افغانستان لپاره ریاض حسن په ۱۱۵ توپونو سلیزه وکړه. دروېش رسولي بیا په ۷۰ توپونو ۷۵ منډې وکړې.
ټاکل شوې ده چې دواړه لوبډلې د سې شنبې په ورځ په دوهمه یو ورځینۍ مسابقه کې مخامخ شي.
د دواړو لوبډلو درېیمه مسابقه به د مې په ۳ نېټه د سریلانکا په کوربه توب ترسره شي.