تاند- د ایټالیا په پلازمېنه روم کې دا حوض تروي نومېږي او له ډېر پخوا څخه سیلانیان ماتې پیسې پکې اچوي.
دا فواره لرونکی حوض د ۱۷۳۲ او ۱۷۶۲ م کالونو ترمنځ جوړ شوی دی او اوس د روم په یوه مهم سمبول بدل شوی.
دا حوض د نیکولا سالوی په نوم کس جوړ کړی. په هغه کې د سیندونو د الهې ستانوس د مجسمې په شمول څو ښکلې مجسمې شته.
Tourists throw over €1 million into Italy’s Trevi Fountain each year. pic.twitter.com/GVAIfciJSg
— Historic Vids (@historyinmemes) March 24, 2024
سیلانیان په داسي حال کې چې حوض او مجسمو ته یې شا اړولي وي، په ښي لاس د کیڼې اوږې له لورې شا ته سکه غورځوي چې په اوبو کې ولوېږي. دوی دې حوض ته د سکو اچول ښه شاګوم ګڼي.
دا دود وروسته له هغه لا ډیر شو چې مشهور ایټالیايي ډایرکټر فدریکو فلیني په ۱۹۵۴ کې د «خوږ ژوند» په نوم فلم جوړ کړ او په یوه صحنه کې دا فوراه ښيي.
د روم ښاروالي یوه ځانګړې ډله ګومارلې چې دا سکې راوباسي او پر بېوزلو یې ولګوي.
د ورځې شاوخوا ۲ زره یورو دې اوبو ته لوږیږي چې په کال کې یو نیم میلیون یورو ته رسیږي.
روم ته په کال کې ۲۱ میلیونه سیلانیان ورځي.