تاند (پنجشنبه، د حوت ۲۴ مه)د پارالمپیک کمېټې پاراتکواندو درې کسیزه لوبډله د بدني روزنې او ورزش عمومي ریاست په همغږۍ د پاریس سهمیه کسب سیالیو د ګډون په موخه چین ته روانه شوه.
د طالبانو تر واک لاندې یو شمېر رسنیو ویلي، چې دغه سیالۍ به د شپږو ورځو په مخه د چین په لینان ښار کې وشي، چې د افغانستان له لوري به پکې دوه لوبغاړي او یوه روزونکی برخه واخلي.
د یادونې وړ ده، چې دغه سیالۍ به د کب پر ۲۴مه پیل او د راتلونکي کال د وري پر لومړۍ نېټه به پای ته ورسیږي.
د طالبانو له بیا واکمنیدو وروسته، افغان ورزشکاران لا هم په نړیوالو سیالیو کې خپل ګډون ته دوام ورکوي، چې ځینې وخت له ښو لاسته راوړنو سره بېرته هېواد ته ستنیږي.