تاند ( ۲ شنبه، د حوت ۱۳ مه) د پاکستان د ملي جرګې غړیو د محمود خان اڅکزي پر کور چاپه وغندله او په دې اړه یې د پلټنو غوښتنه کړې ده.
د پیپلز ګوند مشر بلاول بوټو له صدراعظم شهباز شریف او د بلوچستان له اعلي وزیر سرفراز بوګټي څخه وغوښتل چې په دې اړه دې تحقیقات وشي او د عواملو خلاف دې اقدام وشي.
د پښتونخوا عوامي ملي ګوند ویلي چې تېره شپه (یکشنبه) د محمود خان پر کور چاپه وهل شوې ده.
تحریک انصاف ګوند ویلي چې محمود خان اڅکزی به د پاکستان د ولسمشرۍ چوکۍ ته کاندید کړي.
د یاد شوي ګوند یوه مخکښ غړي عبدالرحیم زیارتوال دغه چاپه په پارلمان کې د اڅکزي له وروستیو څرګندونو سره تړلې بولي.
اڅکزي د پاکستان د نوي پارلمان په پرانیستغونده کې په ضمني ډول د تحریک انصاف ګوند د مشر ملاتړ وکړ او د هغه خلاف یې د پوځ او حکومت کړنې نقد کړې.
محمود خان اڅکزی د تحریک انصاف ګوند له اړخه د پاکستان د ولسمشرۍ څوکۍ ته هم نوماند دی.
په دې اړه نور دلته ولولئ:
محمود خان له ملا فضل الرحمان څخه د پاکستان د ولسمشر کېدو لپاره مرسته غوښتې – تاند (taand.net)
دغه پښتون سیاستوال تر هغې وروسته، چې ولسمشرۍ ته د تحریک انصاف ګوند له لوري نوماند شو، په بلوچستان کې یې پر کور پاکستاني ځواکونو چاپه واچوله او د ګوند د سرچینو له مخې یې، د نوموړي یو ساتونکی یې ورسره یوړه .
ویل شوي، چې د چاپې پر وخت خپله اڅکزی په کور کې نه و.
پاکستاني حکومت د خپلې چاپې په اړه توضیحات ورکړي او اڅکزی یې د ځمکې په غصب تورن کړی.
ځایي چارواکو ادعا کړې، چې د چاپې پر مهال یې ځواکونو غصب شوې ځمکه له اڅکزي څخه بېرته را ګرځولې ده.
په دې اړه دلته لوستلی شئ:
د محمود خان اڅکزي پر کور د پاکستاني ځواکونو چاپه او د ځمکو په غصب یې تورنول – تاند (taand.net)