یکشنبه, اپریل 14, 2024
Homeخبرونهایرلنډ سره د افغان کرکټ لوبډلې ټیسټ لوبه نن ۱۰ نیمې بجې...

ایرلنډ سره د افغان کرکټ لوبډلې ټیسټ لوبه نن ۱۰ نیمې بجې پيلیږي

تاند (چارشنبه، د حوت ۹ مه) ټاکل شوې، چې له ایرلنډ سره د افغانستان د کرکټ ملي لوبډلې یوازېنۍ  ټیسټ لوبه نن د افغانستان پر وخت د ورځې لس نیمې بجې پيل شي.

دا لوبه به د متحده عربي اماراتو د ابوظبۍ په ټولرنس اووال سټډيوم کې ترسره شي.

د افغانستان د کرکټ ملي ټيم کپټان حشمت الله شهیدي پرون په یوه خبري کنفرانس کې ومنله، چې  آیرلنډ یو سخت سیال دی، خو زیاته یې کړه چې دوی به د لوبې د ګټلو هڅه وکړي.

ایرلنډ او افغانستان تر دې مخکې یوه ټیسټ لوبه په ۲۰۱۹ کال کې کړې وه چې هغه افغانستان ګټلې.

د افغانستان د ټیم کپټان حشمت الله شهیدي دی او د څو ځوانو لوبغاړو تر څنګ نورعلي ځدراڼ، رحمت شاه، رحمن الله ګربز هم په ټیم کې شته.

راشد خان او مجیب الرحمن چې د افغانستان دوه اصلي توپ اچوونکي دي په دې ټيسټ سیالي کې نشته.

په وروستیو کې د افغانستان کرکټ ملي لوبډلې یو زیات شمېر ټیسټ لوبې بایللي، چې د مینه والو منفي غبرګونونو سره مخ شوي دي.

د ملي لوبډلې یوه لوبغاړي رحمت الله ګربز څه موده مخکې په یوه ویډیو کې چې د کرکټ بورډ له پاڼې خپره شوې وه، په دې بایلو خواشیني ښودلې وه او ویلي وو، چې دوی د خپل وس  مطابق د لوبو د ګټلو هڅه کوي.

LEAVE A REPLY

Please enter your comment!
Please enter your name here

- Advertisment -

ادب