تاند- د سریلانکا د کرکټ ملي لوبډلې د افغانستان په وړاندې په دوهمه یو ورځینۍ مسابقه کې ۳۰۸ منډې وکړې.
د دې سیالۍ پچه سریلانکا وګټله او لومړی یې بیټنګ یا توپ وهنه غوره کړه.
سریلانکايي لوبغاړو دا هدف په پنځوس اورونو کې د ۶ لوبغاړو له سوځېدو وروسته وټاکه.
د افغانستان لپاره عظمت الله عمرزي درې لوبغاړي، فضل حق فاروقي، نوراحمد او قیس احمد هر یوه ، یو یو لوبغاړي وسوځول.
د دې لوبلړۍ لومړۍ لوبه کوربه لوبډلې د ۴۲ منډو په توپیر وګټله.
په یادې سیالۍ کې سریلانکا د ۳۸۲ منډو هدف ټاکلی و چې افغانستان یې په ځواب کې د محمدنبي او عظمت الله عمرزي د سلیزو پر مټ ۳۳۹ وکړې.
د ویلو ده چې د یو ورځنیو سیالیو دا لوبلړۍ به د فبرورۍ په ۱۴مه نېټه بشپړه شي.
په پام کې ده چې ورپسې دوه ټیمونه درې شل اوره سیالۍ وکړي.