تاند- (جمعه، د دلوې ۲۰ م) تر نولس کلنو د کشرو کرکټ لوبډلو په نړیوال جام سیالیو کې استرالیا او هندوستان پایلوبې ته ورسیدل.
په نیمه پایلوبو کې پرون هند جنوبي افریقا او استرالیا پاکستان ته ماتې ورکړه او په دې توګه دواړه لوبډلې پایلوبې ته ووتې.
ټاکل شوې ده چې د هند او استرالیا لوبډلې د راتلونکې یکشنبې په ورځ (د فبرورۍ ۱۱ مه) د جنوبي افریقا په بینوني لوبغالي کې په پایلوبه کې له یو بل سره مخامخ شي.