تاند (سې شنبه، د دلوې ۳ مه) د پاکستان د بلوچستان ایالت لپاره د اطلاعاتو موقت وزیر جان محمد اڅکزي یو ځل بیا د طالبانو تر واک لاندې افغانستان د پاکستان لپاره خطر ګڼلی او په دې اړه یې نوي تورونه پورې کړي.
اڅکزي په یوه خبري غونډه کې ویلي: «د پاکستان له خاورې هېڅ یوه ګاونډي هېواد ته ګواښ نشته؛ خو برعکس د بلوچستان امنیتي ځواکونه له افغان خاورې ګواښل شوي او هلته د ځینو ډلو مرکزونه هم دي. پاکستان په ایران کې هم ځينې مرکزونه په نښه کړي او لهمنځه یې وړي، دا خپله د دې ښکارندوي کوي چې د بلوچستان او پاکستان ټیکاو د دوی له پولو ګواښل کېږي.»
د طالبانو د رژیم ویاند ذبیح الله مجاهد د نوموړي ادعاوې بې اساسه ګڼلي او ویلي چې د افغانستان له خاورې هېچا ته خطر نه دی موجود.
بل لور ته: د افغانستان د پخواني ولسمشر حامد کرزي د دفتر رئیس عبدالکریم خرم ویلي چې جان محمد اځکزی د پاکستان د جمیعت علمای اسلام ګوند د مشر ملا فضل الرحمن سکرتر پاتې شوی.
د هغه په وینا، په ۲۰۱۳ کې چې د دوی د واکمنۍ پر مهال ملا فضل الرحمن افغانستان ته په سفر راغلی و، اڅکزی ورسره ملګری او د هغه د سکرتر په توګه دنده لرله.
د خرم اشاره له دې یادونې، افغانستان ته د ملا فضل الرحمن وروستي سفر ته وه، چې نوموړي یې موخه د افغانستان او پاکستان د ترینګلو اړیکو د ښه کولو هڅه ګڼلې وه.
خرم دا هم ویلي، چې افغانان له فضل الرحمن څخه نفرت لري او هغه د ادعا شوي هدف په ترلاسه کولو نه شي توانېدلی.
د طالبانو چارواکو او په ځانګړي ډول د بهرنیو چارو وزیر یې ملا امیرخان متقي چې د فضل الرحمن د سفر اصلي بلونکی او په کابل کې کوربه یادېده، د دغه سفر پایلو ته هیله من و او ملا فضل الرحمن یې د پاکستان مطرح سیاسي او مذهبي شخصیت ګڼلی.
دا اڅکزي په اصل کې په خپله د مدرسه بواسیري ترلیب دي. اوس د هیبتې ځناورو په څیر د ډموکراسي تمرین پیل کړي