تاند- له نن څخه ۱۰۰ کاله پخوا د ۱۹۲۴ د جنورۍ په ۲۱ مه د روسیې د انقلاب مشر د ۵۳ کلونو په عمر مړ شو.
لینین له ۱۹۱۷ تر ۱۹۲۴ پورې د شوروي اتحاد دولتمشر و.
د لینین اصلي نوم ولادیمیر الیچ اولیانوف و. د ۱۱۷۰ د اپریل په ۲۲ مه د روسیې په سیمبرسک کې زېږېدلی.
د لینین د مړینې علت ډیر څرګند نه دی او راز راز دلایل د هغه د مړینې په اړه وړاندې شوي دي.
خو د پخواني شوروي اتحاد د بنسټ ګر ولادیمیر ایلیچ لینین د مړینې په باره کې مشهور نظر دا دی چې هغه د سفلیس د ناروغۍ په وجه مړ شوی دی، خو د محققانو یوې ډلې دا نظریه ناسمه وبلله او ویې ویل چې ذهني فشار او پریشاني، ارثي روغتیایي ستونزې او یا شاید د زهرو خوړل د لینین د مړینې اصلي علتونه وي.
لینین په ۱۹۲۴ کال کې په درې پنځوس کلنۍ کې مړ شو او له هماغه وخته دا اوازه وه چې دی د سفلیس په ناروغۍ چې له جنسي روابطو پیدا کېږي، مبتلا و او همدا مرض یې د مړینې علت و. خو وروسته په امریکا کې په یوه علمي غونډه کې د کلیفورنیا پوهنتون د عصبي ناروغیو یوه متخصص څرګنده کړه چې سفلیس نه بلکې ارثي روغتیایي ستونزې، عصبي فشار او یا د زهرو خوړل، ممکن د لینین د مړینې اصلي علتونه وي.
د نیوز ګوګل له راپور سره سم، د لینین د مړینې په باره کې دا نوې نظریه ډاکتر هنري وینټرز او روسي تاریخ پوه لیو لیوري د مریلنډ پوهنتون په هغه کنفرانس کې اعلان کړه چې هر کال د تاریخ د مشهورو شخصیتونو د مرګ د علتونو د څیړلو په باره کې جوړېږي. د مریلنډ پوهنتون په دغو کالنیو غونډو کې د تاریخ د ځینو مشهورو کسانو مثلا د لرغوني مصر د یوه نامتو پاچا یا فرعون توتن خامون، د امریکا د یوه مرګ د علتونو په باره کې د شویو تحقیقاتو نتایج اعلان شوي دي.
د پخواني شوروي اتحاد درې پنځوس کلن لیډر د ژوند په وروستیو میاشتو کې په ۱۹۲۴ کال کې څو ځله مغزي سکته وکړه چې د دغو سکتو علت تر اوسه پورې نه دی معلوم شوی.
د لینین د مړي معاینات ښیي چې د هغه په دماغ کې د وینو رګونه ډېر ټینګ او سره ورغلي وو چې معمولا د وینو د لوړ فشار یا زړبودن په وجه رامنځ ته کېږي. ډاکتر فلیپ مک وېک چې د مریلنډ پوهنتون په کالني کنفرانس کې یې د لینین د مرګ د علتونو په اړه خبرې کولې، و ویل چې د لینین د رګونو دغسې تصلب او ټینګوالی غیرطبیعي ښکاري. ځکه اول خو دی د مرګ په وخت کې بوډا نه و او بل دا چې داسې نخښې چې د دماغ د رګونو د تصلب او ټینګوالي باعث شي، د ده په بدن او د ده په ژوند کې نه لیدل کېږي. ځکه د ده د مړي معاینانو وښودله چې د وینو د فشار ناروغي یې نه لرله. د شکرې په ناروغۍ مبتلا نه و. وزن یې هم زیات نه و. دغه راز نه یې خپله سګریټ څکول او نه یې بل چا ته اجازه ورکوله چې د ده مخې ته سګریټ وڅکوي. نو د دغسي سړي د وینو رګونه ولې دومره ټینګ شي؟
د ډاکتر فلیپ مک ویک په نظر ډېر امکان دا دی چې لینین د ذهني فشار په وجه، د ارثي عواملو په وجه یا ممکن د زهرو په وجه له منځه تللی وي خو د هغه د خپل وخت د ډاکترانو دا نظر چې سفلیس ناروغي به له پښو غورځولی وي، سم نه دی.
په هر رنځ چې اخته وو،بس دی ولاړ او هغه رب العزت ته به ځواب ورکوي چې ده یې د د توحید ربوبیت، اولوهیت او اسما او صفاتو څخه انکار کاوه.
دا ورځ په ټولو راتلونکي دي، هوښیار انسان هغه چې الله ج ته د خپلو اعمالو ځواب ولري.
لینن او د لینن انقلاب د یهودو او انګریزانو د پلیدو مشترکو نقشو پلید محصول ؤ ( د لینن د دولت د ۱۸ وزیرانو د ډلی څخه ۱۰ ئی روسی یهودان وه ) .
روسیه یو غنی سرزمین ؤ او روسیان هم اروپائیانو غوندی یو ځیرک وولس ؤ کوم چی انګریز او نورو اروپائیانو د ځان لپاره یو ستر ستراتژیک تهدید ګاڼه نو ځکه ئی روسی ټولنه د لینن او کمونسټی اووښتون پواسطه د مطلوب پرمختګ د کاروان څخه څو لسیزی لیری وساتله ضمناً ئی هم د روسئی اقتصاد ته ډیر زیان ورساوه او هم ئی د سیمی ( روس ته نژدی پرګنو ) فرهنګ او کلتور او دین یرغمل کړ او د جبران نه منونکی زیانونو سره ئی مخامخ کړ.
بله خیره دا ده چی:
زموږ هیواد د نړی یوازنی هیواد دی کوم چی د نړیوالو مشهورو او اغیزناکو اشخاصو ( مثبت یا منفی ) د ټاټوبی سره ئی نژدی یا لیری ګاونډیتوب درلود ( مهاتما ګاندی، مائو ، لینن، اتاتورک ، اقبال لاهوری ) خو خبیثو غربیانو خصوصاً انګریزانو زموږ روشنفکران! د مسکو او بیژن او انقری فکری جبهی ته سوق کړه او زموږ تاریخ او جغرافیا ئی د یو وحشتناک انفجار سره مخامخ کړه کوم چی د لرز آثار ئی اوس هم احساسیږی.